50422
2017/05/04 刊登於TOPick 經濟日報 (圖片:TOPick)


轉工定唔轉好? 這個決定牽連重大,不能單靠吉屎,以下五條問題,幫你用理性來說服自己。To quit or not to quit,there are five questions to answer:


1) 你寫野好過陶傑、腦筋靈活過馬雲、好打過曹星如,其實你真係好得,但公司冇一個人知道
A.    完全十足堅係     (5分) B.    都算係             (4分) C.    一時時啦          (3分) D.    唔算係             (2分) E.    絕對唔係事實     (1分)

2)    你跟你老闆受氣之餘又學唔到嘢,你想買兇殺佢的動機愈來愈強烈
A.    完全十足堅係     (5分) B.    都算係             (4分) C.    一時時啦          (3分) D.    唔算係             (2分) E.    絕對唔係事實     (1分)

3)    你覺得(覺得就夠,唔洗事實根據) 家陣份工令你結唔到婚、瞓唔到覺、冇晒自信、腦退化….,預計未來十年二十年都冇望升職
A.    完全十足堅係     (5分) B.    都算係             (4分) C.    一時時啦          (3分) D.    唔算係             (2分) E.    絕對唔係事實     (1分)

4)    假如你沒有糧出三個月,老婆/阿媽會離家出走,你要露宿街頭、斷電斷水斷糧(終於減肥成功了)
A.    完全十足堅係      (1分) B.    都算係              (2分) C.    一時時啦           (3分) D.    唔算係              (4分) E.    絕對唔係事實      (5分)

5)    你除左hea同鬧政府之外,沒有其他技能
A.    完全十足堅係     (1分) B.    都算係              (2分) C.    一時時啦           (3分) D.    唔算係              (4分) E.    絕對唔係事實      (5分)



專家分析

5-12分
轉工?你會唔會諗多左,你身在福中不知福,沒有特殊技能,且有一定責任要負。不如俾心機係原位發奮同發展秘技(唔係秘勞),俾公司知道你的CP值。世途兇險呀,細佬

12-18分
你站於十字街頭,進退維谷,公司未算係地獄,但亦有頗多厭惡因素。如果你未過四十,又未有化骨龍或樓債纏身,可以一博。

19-25分
你每天返工都係地獄往返人間,晨早應該閃,人生有幾多個十年,趁住你有點本領,亦未有太多負擔,深呼吸一啖,在晴朗的一天出發。不過記住,就算走都唔好發老闆爛渣!