传媒报道

每逢农曆新年，大家四出拜年逗利是，最害怕亲戚们突然「关心」自己的工作状况，问一连串令人崩溃的问题。当你开启了防禦机制以为他们是出于八挂，但可能他们真的想关心你。因此，我整理了8条常见问题，教大家如何按亲戚们的动机得体地回应他们，又分享一些回应他们盘问的技巧，令大家轻松地过年。

回应策略
 
如何回应亲戚们的问题，视乎他们的发问动机。我们可以从观察和相处经验来判断，例如一向疼爱你的慈祥长辈可能是出于关心，爱说是非的疏堂亲戚多数是出于八挂！如果对方的发问出于关心，大家回应时可以反映自己并无遇上问题，减少对方牵挂；如果对方的发问出于八挂，大家回应时可以反映自己感觉良好，不认同对方的负面假设。
 
不过，新年最紧要和气生财！如果大家不明对方发问的动机，建议大家一律当他们出于关心，同样可以大方得体地回应他们。
 
8条常见问题
 
1.你旧年毕业，到依家仲未搵到工呀？
 
回应关心：我係要求高啲啫！再搵唔到先降低要求都未迟。你唔驶担心！
回应八挂：我又无你咁心急搵钱喎！作为我人生第一份工作，梗係要拣一份百分百合适、又有得发展的，我仲未遇到。
 
2.你一个月人工有几多呀？
 
回应关心：总之够使兼够比家用！你唔驶担心啦！
回应八挂：多谢你咁关心我！市价都係万几至几万啦！明年可能有人工加，暂时都未知加几多？
 
3.今年加咗几多钱人工？派几多个月花红呀？
 
回应关心：有嘅有嘅！公司通常跟市场走势，间间都加少少派少少咁啦！
回应八挂：乜你真係会周围同人讲呢啲私隐架咩！你都係学吓点保障私隐好啲喎！
 
4.咦，你仲係做主任，xx同你同一行，但佢依家已经係高级经理……
 
回应关心：我在公司里，做到主任已经好好，我满足啦，仲做得几好。
回应八挂：回应八挂：间间公司的政策唔同，我唔会同外面啲人比较嘅，多谢关心！
 
5.点解你仲未转工，你哋啲后生仔唔係兴成日跳槽既咩？！
 
回应关心：我份工做得好开心、有前途又稳定，暂时毋须跳槽！
回应八挂：吓！我同期同学唔兴㗎喎，我唔係嗰啲咁唔稳定嘅人。
 
6.吓，你又转咗工？仲转咗行？成日咁跳，点解嘅？
 
回应关心：我只係想趁年轻试多啲野，我可能仲会试多几行，唔驶担心。
回应八挂：我係一隻无脚的雀仔，我开心咪得。
 
7.而家个市咁差，周围都裁员，你份工稳唔稳阵？
 
回应关心：你都话係市道差啦！我而家就无问题，但将来的事我唔知，不过你放心啦！我识点处理嘅。
回应八挂：唔知㗎！乜你好惊你份工唔稳阵咩？
 
8.听讲你做个行接触到好多内幕消息，有冇料爆呀？
 
回应关心：公司有指引，员工不能洩露内幕消息架！我想讲俾你知都唔得呀！
回应八挂：你点睇我都唔似係会出卖公司嘅二五仔啦！唔好意思呀！无可奉告。
 
KO盘问陷阱
 
当遇上求知慾旺盛的亲戚不断盘问你的状况，令你觉得难为情，以下3招可以救你出困局。
 
第1招：先发制人
 
若不想成为被讨论的对象，先取得主控权不断问对方问题，令对方成为话题的主角，自己便不用回答太多私人问题了。例如：我反而有兴趣你嘅工作喎，不如你讲下自己先啦！你份工点㗎？有冇机会升职呀？
 
第2招：转移话题
 
当被问及私隐，你面对长辈的关心又难以拒绝作答，难免出现尴尬场面。建议准备几个埋身的热门时事话题，打岔一下。例如：呀！讲开又讲，你地有冇了解过垃圾徵费嘅政策呢？你地有咩准备呀？
 
第3招：Time Out
 
当遇上难以应付的亲戚，不断地盘问，甚至令你感到焦虑不安。唯有出最后绝招，以咳嗽、喉咙痛、唔舒服等借口，表示要离开一下。这样中断话题，可以让亲戚察觉你的反感，令他们收敛行为。

即睇原文请【按此】