传媒报道

「年，又过年，共庆欢乐绵绵……」面，又见面，共聚亲戚问年年……锺意问你的工作前程和「钱途」！面对一些事关个人私隐与公司机密的问题，唔想讲出心底话，又唔想讲大话，兼唔想影响新春和谐气氛，而想应对得体，有请专家分享回答技巧。

问者有心定冇心，听者须留神。基督教家庭服务中心盈力僱员服务顾问高级经理吴慧琪（Wicky）提点，迎战大舅父三姑姐等提问，先从关係亲疏、表情语气等，尝试了解其动机，究竟是出于关心，还是纯粹八卦。打工仔回答时便可循两个方向：一、对方真‧关心的话，可反映自己工作上无遇到任何问题，减少亲人牵挂；二、只属好奇的，甚至语带讽刺，则表示说者自我感觉良好，你可以表示不认同对方的负面假设。速成这套内功心法，自可轻松应付5条拜年涉及工作情况的FAQ。

问题一：你一个月有几多钱人工呀？

回应关心者：你放心啦，我嘅收入够自己使，兼够俾家用添。（心法：毋须透露实际收入，亦不宜在大庭广众提及签订薪酬保密协议。诚恳对应，令对方减少牵挂，不会再追问。）

答八卦一族：我嗰职位市场价由万几到几万蚊，过年后会有人工加，但暂时唔知加幅有几多。（心法：反映个人对目前薪水满意。）

问题二：你旧年毕咗业，到依家仲未搵到工？

回应关心者：唔使替我担心，我要求高啫。迟吓再搵唔到，我自然会降低要求㗎喇。况且喺呢段时间，我都有学嘢增值㗎。（心法：令对方，特别是长辈放下心头大石。）

答八卦一族：我人生第一份工作，要搵到百分百合适，有发展前景嘅先会做，暂时未遇到啫。（心法：若发现亲戚语气有点讥讽，宜心平气和地回应。）

问题三：咦，你仲係做主任，二表哥嗰仔同你同年入同一行，佢依家已经係高级经理

回应关心者：间间公司嘅政䇿唔同，喺我公司嘅架构，主任已经好高级。（心法：表明自己满意现状，橙亦不应同苹果比。）

答八卦一族：间间公司嘅政䇿同架构都唔同，我好少同外面啲人比较。（心法：保持礼貌，显示自己无被其「人比人，比死人」的问题困扰。）

问题四：点解你仲未转工，你哋啲后生仔唔係兴成日跳槽嘅咩？！

回应关心者：份工做得开心，有前途，好稳定，暂时毋须转工。（心法：面带微笑，讲明份工好okay，对方自然「收货」。）

答八卦一族：同期啲同学都唔兴跳槽，我又唔係唔稳定嘅人，份工做落有兴趣，仲睇到前景，咪唔需要转住。（心法：对这带点「以偏概全」的假设性问题，毋须不满驳嘴，带出凡事有另一面，回应点到即止便可。）

问题五：吓，你又转咗工？仲转埋行？成日咁跳，点解嘅？

回应关心者：趁年纪仲轻，我想试多啲唔同嘅工种；若有机会，我仲会试多几行。（心法：强调不是「被」转行，而是自己积极求变而已。）

答八卦一族：我喺无脚嘅雀仔，性格锺意周围跳。唔飞过，又点知外面嘅世界天大地大呢。（心法：用幽默感化解「挑机」问题。）

一句到尾，避免「赤口」：

到底是大时大节，长辈问到尴尬的工作问题时，嬲佢唔知，话佢唔好意思，还是keep住和颜悦色吧。若是较年轻的平辈或后辈，可加些幽默感（如无脚雀仔），大家喜气洋洋，迎接事业丰裕肥美的猪年！