職場生態充滿著複雜多樣性，難免會遇到令你費解嘅同事，佢哋「非常」特質可以出現喺儀表、行為，甚至精神狀態上。為咗了解呢啲同事背後嘅問題＆情緒需要，我哋盈力與 Recruit做咗一個網上調查「非常同事─協助及關懷非一般員工」，探討下列3大範圍：
1. 邊啲「非常同事」最令人難接受?
2. 同事如何與「非常同事」相處？對團隊有咩影響？
3. 管理層如何協助「非常同事」？

結果發現，「不雅衛生狀況」、「公司住家化」與「躁底」屬三大非常特質，最難被同事接受。「不雅衛生狀況」得分最低，平均分低到只有1.18分（0分-完全不接受，5分完全接受)！「公司住家化」與「躁底」亦只得1.57分。

其餘9類「非常同事」分別係：妄想被加害、亢奮、灰爆、偏執、慌失失、強迫行為、枱面極度凌亂、非一般打扮、獨行俠。當中較被接受嘅係「非一般打扮」及「獨行俠」，可能反映咗「你奇係奇，但事不關己」嘅打工仔心態……
新聞稿下載
傳媒報導下載